Oiso, ois ersts muass i moi sogn,  das mi des mim Snoopy sakrisch gfreit. Sei neis Frauli hot aber a echt vui Zeit und Miah investiert, sagt mei Chefin. Und i bin ma sicher, das der Snoopy es genauso schee hot wia i.

So, und jetzt kurz zu mia. 

Im Sommer war i moi a paar Dog im Krankenhaus, weil i sowas ähnliches wia an Schlaganfall ghabt hob. Meine Chefs hom scho gmoant, das mi geh lassn miassn.

Aber net mit mia. Nach 4 Wochen bin i wieda rundglafen. 

Spada hob i dann nimma aufsteh kenna, weil meine Hinterhaxen nimma megn hom. 

A paar Dog hom mi meine Chefs immer aufhebn miassen und des geht fei scho sauba aufs Kreiz.

Mei Doc is dann kemma und hot ma 12 Pillen pro Dog aufgschriebn. 

2 Dog hob is gfressn,  dann hot mei Mogn schlapp gemacht.

Aba 1 Woch spada war wieda ois bestens.

Seit 3 Wochan is mei Beaglfreindin von da Oma bei uns auf Urlaub und de macht mi fit.

Statt meiner 300 Meter Rundn geh i jeden Dog mit ihra um an Happingersee.

I loss ma doch net nochsogn,  das mit meine 14 Jahr do net mithoitn kon. 

Und i probier a scho moi as umerummpeln bei ihra aus,  aber meine Haxen rutschen dann weg und i foi um wia a nasser Sack.

Mit meine über 50 Kilo dasteh i des hoit nimma so.

 So,des wars wieda moi vo mir. 

Nomoi a grosses Dankschön an alle Mitarbeiter vom Tierheim. Ihr machts echt an super Job.

Liebe Grüsse eier Knut.

Auch Katze Chili hat nette Grüsse geschickt:
Liebes Team vom Katzenhaus!
Ganz liebe Grüsse von Prinzessin Chili und ihrer Mama Silvia!
Chili ist um diese Uhrzeit noch ganz verschlafen, es geht ihr prächtig! Hat einen sehr gesunden Appetit und ist wahnsinnig verschmust geworden. Jeden Fernsehabend verbringt sie stundenlang auf meiner Brust! Schläft in meinem Bett.
Sie wird von mir sehr verwöhnt und ist so dankbar, wir sind glücklich miteinander!
Alles Liebe von Chili und ihrer Mama!

Von Paulchen haben wir ein schönes entspanntes Foto bekommen: